A- A A+
Ақмола облысының денсаулық сақтау басқармасы
Негізгі міндеттері мен функциялары

Ақмола облысы денсаулық сақтау басқармасының мақсаттары

1)денсаулық сақтау саласында мемлекеттiк саясатты жүзеге асыру және денсаулық сақтаудың өңiрлiк бағдарламаларының жүзеге асырылуын қамтамасыз ету;

2)денсаулық сақтау, бiлiм және ғылым саласында Қазақстан Республикасы заңнамасының орындауын қамтамасыз ету;

3)тегiн ақысыз медициналық көмектiң кепiлдi көлемiнiң аясында азаматтарды және оралмандарды медициналық көмекпен, дәрi-дәрмек құралдарымен және медициналық мақсаттағы бұйымдармен қамтамасыз ету.

Ақмола облысы денсаулық сақтау басқармасының функциялары

Басқарма өз құзыреттiлiгiнiң аясында Қазақстан Республикасының заңнамасымен белгiленген келесiдей қызметтердi:

1) денсаулық сақтау субъектiлерiнiң қызметiне мониторингтi және бақылауды ұйымдастырады және жүзеге асырады;

2) денсаулық сақтау бюджеттiк бағдарламалар әкiмшiлерiнiң қызметiн жүзеге асырады;

3) Қазақстан Республикасының Үкiметiмен белгiленген тәртiпте тегiн медициналық көмектiң кепiлдi көлемiн көрсету жөнiндегi медициналық фармацевтикалық қызметтердi сатып алуды жүзеге асырады;

4) Қазақстан Республикасының Үкiметiмен белгiленген тәртiпте тегiн медициналық көмектiң кепiлдi көлемдi көрсету аясында дәрi-дәрмек құралдарын, алдын алу препараттарын (иммунобиологиялық, диагностикалық, дезинфекциялық) сатып алуды:

амбулаториялық деңгейде — уәкiлеттi органмен бекiтiлген тiзбеге сәйкес;

стационарлық деңгейде — дәрi-дәрмек формулярларының шегiнде жүзеге асырады;

5) медициналық мақсаттағы бұйымдарды және медициналық техниканы, санитарлық техниканы сатып алуды, сондай-ақ мемлекеттiк денсаулық сақтау ұйымдарын күрделi жөндеуге қызметтердi ұйымдастырады;

6) мемлекеттiк денсаулық сақтау ұйымдарының кадрлық қамтамасыз етiлуiн ұйымдастырады;

7) мемлекеттiк денсаулық сақтау ұйымдарының жарақтандырылуын қамтамасыз етедi;

8) денсаулық сақтау саласында өңiрлiк электрондық ақпараттық ресурстарды және ақпараттық жүйелердi, ақпараттық-коммуникациялық тораптарды құруды және олардың қызмет етулерiн қамтамасыз етедi;

9) жоғарғы және орта медициналық оқу орындары үшiн, жергiлiктi бюджет қаражатының есебiнен қаржыландырылатын мемлекеттiк денсаулық сақтау ұйымдарына клиникалық базаларды ұсынады;

10) тегiн медициналық көмек көрсетудi, төтенше жағдайлар кезiнде дәрi-дәрмек құралдарымен және медициналық мақсаттағы бұйымдармен қамтамасыз етудi ұйымдастырады;

11) медициналық және фармацевтикалық кадрларды дайындау, бiлiктiлiгiн арттыру және қайта дайындау жөнiндегi қызметтi ұйымдастырады және үйлестiредi;

12) гигиеналық оқытуды, салауатты өмiр салтын және дұрыс тамақтануды насихаттау мен оны қалыптастыруды ұйымдастырады;

13) халықты қоршаған ортаға қауiптi әлеуметтiк маңызы бар аурулар мен сырқаттардың таралуы туралы хабардар етедi;

14) азаматтардың денсаулығын қорғау мәселелерi бойынша халықаралық және үкiметтiк емес қоғамдық бiрлестiктермен өзара қатынас жасасады;

15) тиiстi әкiмшiлiк-аумақтық бiрлiктiң аясында денсаулық сақтау саласында ведомстволық статистикалық бақылауды жүзеге асырады;

16) ведомстволық бағынышты мемлекеттiк денсаулық сақтау ұйымдары басшыларының кәсiби құзыреттiлiгiне аттестациялауды өткiзедi;

17) медициналық және фармацевтикалық қызметтi лицензиялауды жүзеге асырады;

18) гендерлiк саясаттың мiндеттерiн орындауды қамтамасыз етедi;

19) Қазақстан Республикасының заңнамасына сәйкес денсаулық сақтау саласында өзге де уәкiлеттiлiктердi жүзеге асырады.

Мақаланың шыққан күні: 13.11.2017 17:06
Парақтағы соңғы өзгерістер: 14.11.2017 12:32
Қаралым саны: 1389

egov.kz - мемлекеттік қызметтер және ақпарат онлайн

@2019 Ақмола облысының денсаулық сақтау басқармасы
Яндекс.Метрика

Пошталық мекенжайы:

Телефон:

Электрондық пошта адресі:

ҚР, Ақмола облысы, Көкшетау қаласы, Сәтпаев көшесі, 1А

8 (7162) 25-51-87

oblzdrav@kokshetau.online.kz